LAOAG CITY – Saan a nalapdan ni dati a Senate President Franklin Drilon ti agkatawa iti pannakasaludsud kenkuana maipanggep iti 23 nga aldaw a panagtakem ni Sen. Alan Peter Cayetano kas Senate president.
Segun ken ni Drilon, naisangsangayan unay ti napasamak iti liderato ni Cayetano, aglalo ket nakaad-ado dagiti kontrobersiyal a napasamak iti uneg ti ababa a panawen iti liderato na.
Ni Cayetano ti maikapat a Senate President iti uneg ti uppat a tawen a panagtakem ni Presidente Ferdinand Marcos Jr. , sinaruno na da Sen. Migz Zubiri, Sen. Chiz Escudero, ken Sen. Vicente Sotto III.
Inbatad ni Drilon saan a nakadidillaw ti kaadda ti ado wenno agduduma a Senate President iti uneg ti maysa nga administrasyon.
Nupay kasta, kuna na a ti panagtakem ti maysa a Senate leader iti uneg laeng ti 21 wenno 23 nga aldaw ket saan a normal a pasamak iti kangatoan a pagpandayan linteg iti kongreso.
Sinublianan met ni Drilon ti nagbalin a kapadasan na iti uneg ti 24 a tawen a panagserbi na kas maysa a senador, no sadinno a kunana nga awan pay ti nakita na a kapada ti napasamak iti termino ni Cayetano.
Iti baet daytoy, mamati ni Drilon a ti 23 nga aldaw a panagserbi ni Cayetano kas Senate President ket saan a ‘reflection’ ti kabaelan wenno competence no di ket possible a mangipakpakita daytoy iti panaggaraw para iti panangkontrol iti kangatoan a pagpandayan linteg iti kongreso, kagiddan ti umas-asideg a 2028 elections.
