Ibilang ti komedyante a ni Ethel Booba a napintas ti nagbalin a timing ti Diyos iti isasangbay ti longtime boyfriend na a ni Chef Jessie Salazar, ken ti anak na a ni Michaela, aglalo no ikompara na ti nagbalin a kapadasan na manipod kadagiti nagbalin a karelasyon na.

Iti Fast Talk with Boy Abunda, inbatad ni Ethel a kadagiti nagbalin a karelasyon na ket saan a nagsikog ken saan a naaddaan ti anak.

Kuna na nga uray ken ni Chef Jessie, ket arigna nakaplano met ti Diyos gapu ta ti kiddaw ti lalaki ket maaddaan ti anak a babae ngem paspasig a lalaki ti nagbalin ngaa anak na kadagiti naglabas a relasyon na agingga a dimteng iti biagda ni Michaela.

Inpetteng pay ni Ethel nga adayo ni Chef Jessie no ikompara kadagiti immuna a nagbalin a karelasyon na gapu ta ad-adda a nakatutuk daytoyo iti masakbayan da.

Inpaganetget na a kadagiti naglabas a relasyon na ket pinagbalin da laeng a matrona, gapu ta nakaad-ado dagiti inpagpagatang da kenkuana.

Iti agdama, makuna ni Ethel a naragsaken ti biagna gapu ta malaksid iti trabaho ket adda pay ti beauty and wellness a negosyo da.