LAOAG CITY – Umabot ti 10 a tattao dagiti natiliw a nagsusugal idiay Barangay Callagip, Paoay, Ilocos Norte.
Daytoy ti kinumpirmaran a mismo ni Police Chief Inspector Joseph Baltazar, chief of police iti nasao nga ili.
Binigbig na dagitoy a da Nemesio Vergara, Jonathan Caq, Lother Giray, Jeffrey Langgaman, Manny Ragiran, Elizabeth Galapia, Sonia Galapia, Madelyn Binangon, ken ni Edelyn Tapec, agpapada dagitoy a residente ti nadakamat a barangay.
Inbatad na a nabayagen a maidandanun kadakuada ti panagsusugal dagiti maseknan iti balay ti maysa kadagiti suspek a ni Sonia Galapia.
Innayon na nga awan ti minatay iti nasao a balay ngem pinagbalinen dagiti maseknan a pagsusugalan gapu ta daydaywen pay daytoy dagiti dadduma a barangay.
