LAOAG CITY – Posible a mangipila ti kaso ti Malacañang kontra kadagiti agiwarwaras ti fake news mainaig iti salun-at ni Presidente Ferdinand Marcos Jr.
Inbatad ni Presidential Communications Office Acting Secretary Dave Gomez, manarimaanen ti panagkolektarda kadagiti ebidensia kontra kadagiti adda iti likudan dagiti agiwarwaras ti saan nga husto nga impormasion iti social media.
Kuna ni Gomez, target a maipila ti reklamo iti Department of Justice inton sumaruno a lawas.
Immunan nga inlawlawag ti Malacañang a nasayaat ti kasasaad ti Presidente iti baet kadagiti agwarwaras nga espekulasion iti online.
