LAOAG CITY – Nakairekord ti Animal Bite Treatment Center (ABTC) iti siudad ti Baguio ti 1,000 a kaso ti kagat ti ayup iti umuna a dua a bulan basar iti City Health Services Office (CHSO).
Inbatad ti maysa a nurse a ni Agnes Johanna Abad, Manager ti Animal Bite Treatment Center, ti nangato a bilang ket mangipakpakita ti panagngato ti ammo ti publiko kadagiti serbisio a maididiaya iti city health facility.
Idi 2024, umabot iti 8,156 ti nairekord nga animal bite treatments idinto a bimmaba daytoy iti 7,099 iti napalabas a tawen.
Kuna ni Abad nga awan pay ti nairekrekord a kaso ti rabies iti siudad malaksid iti maysa a kaso iti ayup idi 2021.
Binalakadanna dagiti nakagat ti tarakenda nga ayup wenno walang nga aso ken pusa nga insigida nga agpaagas tapno maammoan ti klase ti kagat ken umno nga agas.
Inpasigurado ti City Health Services Office a natalged ken naurnos dagiti bakuna para kadagiti pasiente.
