LAOAG CITY – Nasurok a 101 a tripulante ti naireport a mapukpukaw kalpasan a naarinebneb ti Iranian Navy frigate IRIS Dena (75) iti ruwar ti teritoryal a danom ti Sri Lanka.
Segun ken ni Sri Lanka Foreign Minister Vijitha Herath, naisalakan ti navy ken air force da ti 32 a nasugatan a marino, a kaaduan kadagitoy ket kritikal ti kondisyon da.
Napasamak ti insidente kabayatan nga agawid ti barko manipod iti MILAN 2026 International Fleet Review a naisayangkat idiay India.
Naitaray dagiti naisalakan a tripulante iti ospital iti Galle, no sadinno nga agtultuloy dagitoy a maag-agasan.
