LAOAG CITY – Immanugot ti United Kingdom iti kiddaw ti Estados Unidos nga usaren da ti British military bases para iti para kadagiti depensa a panagraut kadagiti Iranian missile sites.
Daytoy ti inwaragawag ni United Kingdom Prime Minister Keir Starmer.
Nupay kasta, inbatad ti prime minister a naadalanen ti United Kingdom manipod iti kamali ti Iraq ken saan a nakiraman kadagiti immuna a panagraot iti Iran ken saan a makipaset iti opensiba kadagitoy a gundaway.
Possible nga usaren ti Estados Unidos ti RAF Fairford iti Gloucestershire and Diego Garcia iti Indian Ocean para kadagiti strikes iti Iranian missile sites.
Inrakurak daytoy ni Starmer sumagmamano nga oras laeng ti napalabas kalpasan a natamaan ti drone strike ti British RAF base idiay Cyprus ngem awan dagiti naireport a casualties.
