LAOAG CITY – Umaboten iti 103 a registered firearms ken 5 a loose firearms ti naisuko iti nagduduma a police stations iti intero a probinsya.
Daytoy ti inbatad ni Police major Jephre Taccad, ti pannakangiwat iti Ilocos Norte Police Provincial Office (INPPO).
Inlawlawag na a kaadoan kadagiti napan nangisuko ti paltog na ket dagiti kandidato para iti 2022 elections.
Inpasingked na nga agtultuloy latta ti panangallukoy ken panagpanawagan da kadagiti gun holders a saan pay a napan nagideposito ti paltog na a kanayun a silulukat dagiti PNP-stations iti intero nga Ilocos Norte.
Immunan nga inrakurak ni Provincial Director Police Col. Julius Suriber a kalikagom na a maideposito amin a paltog dagiti gun holders iti intero a probinsya tapno maliklikan ti pannakausar dagitoy iti aniaman a krimen agingga a saan a malpas ti May 2022 elections.
