Nakumpiskar ti 11 a sachet a naglaon ti maipagrup a shabu babaen ti naiyuswat a search warrant operation iti pagtaengan ti suspek a ni Junel Daprosa y Corpuz iti Brgy. 18 iti ili Bacarra.
Segun ken ni Pol. Chief MSgt. Harold Nicolas iti Provincial Drug Enforcement Unit adda iti drugs watchlist ti Ilocos Norte Police Provincial Office ken PNP Bacarara ni Corpuz.
Kuna na a drug surrender ni Corpuz idi tawen 2016 ken naiget a mamonmonitor sakbay pay ti lockdown.
Kabayatanna, nakailanad iti search warrant a mabirok dagiti illegal nga armas ken maipagarup a shabu.
Nu pay kasta, awan ti narekobre dagiti otoridad nga armas iti pagtaengan ni Corpuz nu di ket ti laeng maipagarup a shabu.
