LAOAG CITY – Nakipagpaset dagiti agarup 120 teenage mothers iti skills training and livelihood program nga inwayat ti City Social Welfare Development Office (CSWDO) ditoy siudad ti Laoag.
Inbatad ni Ms. Joan Pasugui, ti focal Person ti Local Committee Against Trafficking – Violence Against Women and their Children a gagem daytoy a programa a matulungan ken mapapigsa dagiti teenage mothers iti naan-anay a panggedan da.
Ditoy a nisuro ti panagaramid ti pastries wenno cake ken kasta payen ti panag-manicure ken pedicure.
Paset pay ti programa ti lecture no sadinno a naisuro kenkuada ti panangsalaknib iti bagbagida.
Kunana a daytoy a programa ket paset ti Lokal a Gobierno iti ad-adda a pannakaiyasideg ti suporta ken tulong kadagiti umili.
