LAOAG CITY – Nagballaag ni Department of Education (DepEd) Secretary Sonny Angara a sumango iti expulsion dagiti estudiante a mapaneknekan a nag-bully ti pada da nga agad-adal.

Segun iti sekretario, nakaipalaon daytoy iti baro a polisiya ti Department of Education (DepEd).

Daytoy ket kalpasan ti napasamak a panang-bully ti sumangmamano nga estudiante a lallaki iti kaklase da a babbai iti Malinao, Aklan.

Impettengna a manipod idi senador ket intandudonan ti pannakaprotehir kadagiti ubbing ken kangrunaan ita ta sekretario daytoy iti Department of Education (DepEd) ket ad-adda a papigsaenna ti pannakaprotehir babaen ti panangbaliw kadagiti nayimplementar a pagalagadan ti linteg.

Innayonna a basar iti Department of Education (DepEd) Order 006ti 2026 wenno ti ESMLE Policy a paigetanda ti pagsungbatan dagiti bullying a pakairamanana ti expulsion ken posible a disciplinary actions.

Impasiguradona a pagsungbatenna ti siasinno man a mapaneknekan a nagsalungasing iti linteg.