LAOAG CITY – Umabot iti 13 a negosyante ti inikkan ti Bureau of Fire Protection (BFP) ti permit tapno aglako ti paputok ditoy ciudad ti Laoag.
Daytoy ti inbatad ni Fire Senior Inspector Ronald Castillo, ti firemarshall iti Bureau of Fire Protection (BFP) ditoy ciudad ti Laoag.
Inpasingked ni Castillo a naiget ti panaginspeksyon da kadagiti paglakoan ti paputok tapno masigurado nga awan ti mailako nga illegal a paputok.
Mainaig iti daytoy, inpakaammo ni Castillo nga iti agdama ket 70 a porsiento kadagiti personnel da ti nakaduty ngem possible nga intono kaaldawan a mismo ti panangsarabo ti baro a tawen ket agduty danto amin malaksid laeng kadagiti adda ti sakit na.
Saan met nga iwalin ni Castillo ti possible a kaadda dagiti agbalin a biktima ti paputok gapu ta umad-ado dagiti agpap-paputok ditoy ciudad ti Laoag.
Nupay kasta, mangnamnama ti opisyal nga agtalinaed ti linak, urnus ken talna iti panangsarabo ti baro a tawen ditoy ciudad ti Laoag ken intero nga Ilocos Norte.
