LAOAG CITY – Nakumpiskar dagiti lako dagiti 13 nga aglaklako ti vape.
Segun ken ni Mr. Aldrin Camba, ti Revenue District Officer ti Bureau of Internal Revenue, manipud kadagiti 30 a binisita nga aglaklako kadagiti vape ket 13 ditoy ti awanan ti docstamp.
Inbatadna a saan laeng a maysa nga aldaw ti panangmonitorda kadagiti maseknan no di ket agbalin a naig-iget ti panangkitada dagitoy.
Inlawlawagna no saan a sumurot dagiti aglaklako kadagiti maipatpatungpal a pagannurutan ket posible a maikkat dagitoy wenno mapawilan ti panaglakoda.
Kunana a nadagsen ti mabalin a maipataw kadagiti aglaklako ti vape oil kas ti multa ken pannakaipila ti kaso kontra kadagiti aglabsing.
Innayonna a ti kangrunaan a pangal-alaan dagiti aglaklako ti ilakoda a vape ket babaen iti online.
