LAOAG CITY – Nasugatan ti 13 nga indibidual kalpasan ti panangdarusdos ti lugan kadagiti tattao nga adda iti ruar ti stadium idiay Spain.
Naammoan nga adda ti manarimaan a football match iti nagbaetan ti FC Barcelona ken Espanyol idi napasamak ti insidente.
Basar iti Catalan Police, maysa nga aksidente ti napasamak.
Insigida a naarestar ti driver ti lugan ken saan met a naapektaran ti maisaysayangkat nga ay-ayam.
Naitaray kadagiti nagduduma nga ospital dagiti nasugatan a biktima.
