LAOAG CITY – Nakaawiden ditoy Pilipinas dagiti 14 a tripulante kalpasan ti pannakalasatda iti panagatake bayat ti panagdalyasatda iti kabaybayan ti Strait of Hormuz.
Nakadanon dagiti Pilipino a tripulante iti Ninoy Aquino International Airport Terminal 3 no sadinno ket sinabat dagitoy dagiti opisial ti Department of Migrant Workers (DMW) ken ti Overseas Workers Welfare Administration (OWWA).
Mainaig iti daytoy, manamnama a maipaayan dagiti 14 a Pilipino ti financial ken medical assistance manipud kadagiti nadakamat nga ahensya.
Segun iti Department of Migrant Workers ken Overseas Workers Welfare Administration, addan iti natalged a kasasaad dagiti nasao a tripulante.
Kabayatanna, manarimaan ti pannakikoordinar ti ahensiya iti Philippine Embassy iti Oman ken iti Migrant Workers Office iday Dubai.
Diakamat pay ti ahensiya a manarimaanen ti imbestigasionda mainaig iti compliance ti Pilipino deployment, no sadinno ket inpetteng ni Department of Migrant Workers (DMW) Secretary Hans Leo Cacdac ti panangi-review-da ti regulasion iti karbengan dagiti mangmangged a Pilipino, mainaig iti pannakailiklik iti high-risk areas, panangiwayat ti risk assessment ken panangisigurado iti panangrespetar iti right to refuse sailing.
Kabayatanna, iti baet daytoy, saan pay a naiyawid dagiti bagi dagiti dua a natay a Pinoy seafarers a kadua dagiti nakaawid a 14 a tripulante gapu iti panagatake idiay Strait of Hormuz.
