LAOAG CITY – Nagturpos ti 148 a Laoagueños kadagiti Technical Vocational Courses nga inpaay ti Technical Education and Skills Development Authority-Marcos Agri-Industrial School (TESDA-MAIS).
Adda ti 25 a nagturpos iti Grains Production NC II manipud iti Barangay Dibua South, 23 iti Grains Production NC II manipud iti Barangay Madiladig, 25 iti Automotive Servicing NC 1, 25 iti Automotive Servicing NC 1 (MAIS), 25 iti Driving NC II manipud iti Barangay La Paz ken Driving NC II manipud iti Barangay 5 ditoy siudad ti Laoag.
Ti nasao a programa ti nagbibinnuligan ti TESDA, Opisina ni 1st District Congressman Sandro Marcos, Laoag City Government, City Agriculture Office ken dagiti nagdumaduma a pasdek negosio ken indibidual a timmulong iti training.
Iti mensahe ni Mayor James Bryan Alcid nga indanon ni City Administrator Atty. Ed Von Cid, nagyaman isuna iti TESDA, Congressman Marcos ken aminen a nakipagpaset ti training gapu iti tulongda kadagiti Laoagueños.
Mangnamnama ti panag-asenso ti tunggal maysa babaen kadagiti programa nga ipapaay ti gobierno.
