LAOAG CITY – Inpasigurado ti Civil Aviation Authority of the Philippines (CAAP) nga adda ti umdas a suplay ti langis dagiti eropuerto iti intero a pagilian no bilang makapasar ti sumagmamano a power interruptions dagitoy iti baet ti sangsangoen ti pagilian mainaig iti krisis iti langis.
Inbatad ni Spokesperson Eric Apolonio, saan a kanayon a mausar ti reserve fuel kadagiti eropuerto ken nakasagana laeng no maaddaan ti power failure kadagiti suplay a maaw-awat dagitoy manipud iti ruar.
Immuna iti daytoy, naganunsio ti reducing of flights ti sumagmamano nga eropuerto mangrugi inton Abril agingga iti Mayo gapu iti limitado a ruta ken nababa a bilang dagiti pasahero gapu iti agtultuloy a gubat iti Middle East.
Kuna ni Apolonio, manamnama ti kastoy a situasion nangruna ket ngimmato iti 100% ti fuel surcharge no sadinno nga inpaganetget ti pannakangiwat ti epekto daytoy iti biruk dagiti airlines.
Kabayatanna, iti agarup 44 commercially operated airports iti intero a pagilian nga adda iti babaen ti Civil Aviation Authority of the Philippines, inpasiguradona nga amin dagitoy ket addaan ti umdas a fuel supply iti baet ti krisis iti langis.
