LAOAG CITY – Naigiddan a naisayangkat ti “goat dispersal” wenno pannakaibunong ti kalding iti Capitol Express iti ili ti Nueva Era.
Inpakaammo ni Dr. Loida Valenzuela, Provincial Veterinarian, sangapulo ket lima dagiti naibunong a kalding.
Inbatadna a paset daytoy iti kalikagum ni Gob. Matthew Marcos Manotoc a maipaayan ti nayon a pamastrekan dagiti kakailian.
Mainaig iti daytoy, inulit manen ti gobernador a ginutigot dagiti kakailian nga agkiddaw iti aniaman a kalikagumda a tulong a maipaay kadakuada kangrunaanna iti babaen ti Agri Ka Dito.
Kunana a saan laeng a dagiti mannalon, mangngalap ken livestock raisers ti mabalinda ti agkiddaw ngem uray pay dagiti Micro Small and Medium Enterprises (MSME) wenno dagiti babassit a negosiante ditoy probinsia.
Inlawlawagna a mabalin dagitoy ti agkiddaw ti “financial grant” iti Micro Small and Medium Enterprise Office a mabalinda nga inayon iti puunanda.
Mamati ti gobernador a dakkel a makatulong daytoy para iti panangipadur-as dagiti maseknan kadagiti inrubuatda a negosio.
