LAOAG CITY – Nakumpiskar dagiti otoridad ti 15 a pedaso a bala ti calibre 45 babaen ti naiwayat a Search Operation iti Barangay Upon iti ili ti Pinili.
Nabigbig ti subject ti operasion a ni Jeffrey Zafaralla y Pipo.
Naiwayat ti Search Operation kontra ken ni Zafaralla gapu iti panaglabsingna iti Republic Act No. 10591 wenno ti Comprehensive Firearms and Ammunition Regulation Act of 2012.
Nupay kasta, nakalibas ti suspek idi naiwayat ti nasao nga operasion.
Mainaig iti daytoy, ti Search Warrant ket inparuk-at ni Hon. Maria Corazon Labrador, Executive Judge, RTC, FJR, Branch 18, Batac City, Ilocos Norte a napetsaan idi Enero 31 babaen ti CIDG Ilocos Norte PFU kas lead unit, 1st PMFC INPPO ken ti Pinili Municipal Police Station.
Kabayatanna, ti Search Operation ket inimatangan ti anak ti subject ti operasion ken ti barangay officials iti nasao a barangay.
