LAOAG CITY – Nakairekord ti gobyerno probinsyal iti 15 a baro a kaso ti COVID-19 idinto a 31 dagiti nagimbag manipud iti nasao a virus.
Umaboten iti 2724 ti kaso ti COVID-19 ditoy probinsya idinto a 2294 dagiti recoveries ken 38 dagiti pimmusay.
Manipud kadagiti baro a kaso, innem ti baro a kaso iti ili ti Vintar, tallo iti ili ti Bacarra, dua iti ili ti Bangui, ken saggaysa iti ili ti Pagudpud, Currimao, Adams, ken iti ili ti San Nicolas.
Manipud iti datus, awan met ti nairekord a baro a kaso ditoy siudad ti Laoag.
Nupay kasta, manipud iti bilang ti aktibo a kaso, umuna pay laeng ditoy siudad nga addaan ti 130 active cases, 104 iti ili ti Bacarra, 20 iti ili ti San Nicolas, agpada a 17 iti ili ti Bangui ken Vintar, 13 iti ili ti Pasuquin, 12 iti ili ti Sarrat, 11 iti ili ti Solsona, ken agpada a 10 ti aktibo a kaso iti ili ti Currimao ken Marco
