LAOAG CITY – Opisyal nga inyendorso ti Cybercrime Investigation and Coordinating Center (CICC) iti PNP-Anti Cybercrime Group ti listaan dagiti 15 online influencers ken entities a karaman iti promosyon ti sugal.
Karaman kadagiti sikat nga online influencers kas kada Toni Fowler, Whamos, Christian Merck Grey, Miss GinBilog ken dadduma pay ti mapilaan.
Kadua ti Cybercrime Investigation and Coordinating Center iti panagmonitor ti Digital Pinoy no sadinno nabeeripikar da ti pannagiyendorso dagitoy iti saan a lisensyado a gambling sites.
Us-usaren dagiti iligal gambling sites dagiti influencers tapno agpromote iti livestream iti nasao a sugal no sadinno uray dagiti menor-de-edad ket mapalpalubusan nga agsugal.
Inpasigurado met ti Cybercrime Investigation and Coordinating Center nga agtultuloy ti monitoring da kontra iti panangipromote kadagiti iligal a sugal.
