LAOAG CITY – Inbatad ni Gob. Matthew Marcos Manotoc dagiti rumbeng a pagyamanan ti gobierno probinsial ti Ilocos Norte iti Aboitiz Power.
Segun kenkauana, karaman ditoy ti pangipaayda ti “grocery packs” pakairamanan ti bagas ken emergency kit kadagiti nakukurapay a naibasar iti listaan ti Ilocos Norte Electric Cooperative ken pinasingkedan dagiti City/Municipal Social Welfare Office iti nadumaduma a Local Government Units ditoy probinsia.
Inpetteng ti gobernador a sanga gasut limapulo dagiti kakailian a nabenipisiaran iti pannakaipaay ti nasao a tulong kadagiti maseknan babaen iti panagkakammayet ti Aboitiz Power, Ilocos Norte Electric Cooperative.
Malaksid iti pannakaipaay dagiti nasao a tulong, inpadanon ni Gob. Marcos Manotoc ti panagyamanna iti tulong ti nadakamat a “power supplier” no sadinno a dakkel ti maitultulongna iti pannakaipababa ti pagbayad ti kuryente ditoy probinsia.
