LAOAG CITY – Nangipasa ti petision iti Quezon City Regional Trial Court ti asawa ni Vice President Sara Duterte a ni Manases Carpio nga agkidkiddaw a magiparuk-at ti Temporary Restraining Order (TRO) tapno lappedan ti subpoena dagiti tax records iti Bureau of Internal Revenue (BIR), basar ken ni House Justice Committee member ken Bicol Saro Partylist Rep Terry Ridon.
Inbatad ni Ridon, ti kopya ti petision ni Carpio ket naawat ti komite.
Maipalagip a nangipatulod ti subpoena ti komite ken ni BIR Commisisoner Charlito Mendoza tapno agatendar iti impeachment hearing inton Abril 14 ken isubmitir ti tax records ti agasawa manipud 2007 agingga 2025.
Sakup ti subpoena dagiti business interest ti agasawa pakairamanan ti Metro City Chow Foods Corp., Gencorp Industries Inc., Carpio Lawyers, 888 Bistro, CALE88 Foods Corp., Madayaw Fisheries Corp., Mati City Ice Plant and Cold Storage Inc., Amianan Shores Inc., Geometry Security and Investigation Agency Inc., Cabletow 88 Shipping ken Marine Services Inc.
