LAOAG CITY – Umabot iti 16 a tattao ti natay kalpasan ti napasamak ti flash flood idiay Indonesia.
Ti flash flood ket resulta ti panagreggaay ti daga iti sumagmamano nga aldaw kalpasan ti di agsarday a tudo iti North Sumatra.
Gapu iti daytoy, uppat a tattao ti naireport a mapukpukaw a pakairamanan ti dua nga ubbing.
Mainaig iti daytoy, naruayen dagiti nagbakwit nangruna dagiti adda iti asideg ti karayan gapu iti panagamakda a kumaro ti pay ti tudo.
Kagiddan iti daytoy ket naidestinon dagiti opisial ti militar ken rescue teams tapno agmonitor ken tumulong para iti panagbakwit dagiti residente.
