LAOAG CITY – Nabenepisiaran dagiti 1,610 a tricycle ken jeepney drivers ti financial assistance manipud iti lokal a gobierno iti ili ti San Nicolas.
Segun ken ni Mr. Joven Pablo, Presidente ti Tricycle Association iti nasao nga ili, dakkel a tulong daytoy para kadakuada nga agpaspasada nangruna ket saan nga agtalna ti panagngato ti presio ti produkto a petrolyo kangrunaanna iti gasolina.
Inbatadna nga iti agdama ket 20 a pisos ti plete para kadagiti regular a pasahero idinto nga adda met ti discount nga ipatpatungpalda para kadagiti senior citizens ken dagiti estudiante.
Inlawlawagna a dumanon iti 200 agingga 300 ti magasgastosda para iti panagpagasolina ngem nakadepende ti ruta a pangibabaanda kadagiti pasaheroda.
Innayonna a nakaawatda ti sangaribu a pisos iti tunggal maysa kadakuada a tricycle ken jeepney drivers ita nga aldaw.
