LAOAG CITY – Inpeksa dagiti sumagmamano a Democrats a saanda nga agatendar iti State of the Union Address ni United States President Donald Trump.
Inawagan ni United States House Speaker Mike Johnson ti plano dagiti sumagmamano a Democrats a ti saan a panagatendar ket maysa a nakababain.
Manamnama a talantanen ni Trump dagiti sumagmamano a napapateg a programa daytoy nangruna iti pananglaban kadagiti immigrants.
Karaman kadagiti bisita daytoy ni Erika Kirk ti asawa ti napapatay nga activist ken Trump supporter a ni Charlie Kirk.
Naimbitaran pay ti United States Mens’ Hockey Team a nagkampeon iti kaliplippas a Winter Olympics.
Ibilang ni White House press secretary Karoline Leavitt a maysa a record-breaking dagiti dakamaten ni Trump iti State of the Union address daytoy.
Maisayangkat ti State of the Union Address ni Trump ita nga aldaw, Pebrero 25 iti oras ti alas-10 ti bigat, oras ditoy Pilipinas.
