Inpakaamo ni PMAJ. Lester Dabbay, hepe ti Philippine National Police iti ili ti Pagudpud, a nakaruaren iti balay pagagasan dagiti uppat nga ubbing a nakapasar ti panagsakit ti boksit kalpasan a nangan dagitoy dagiti maipagarup a gummies a napidotda iti asideg iti kamposanto iti Brgy. Balaoi iti ili ti Pagudpud.
Segun kenkuana, iti agdama ket naipakustodiar iti municipal health office dagitoy tapno maamoan daytoy a produkto aglalo ket rumrumuar nga addaan ti chinese markings ken awan unay ti sabali a tatakna wenno pakakitaan ti expiration date ken ingredients.
Mainaig iti daytoy, naglikudanna nga addaan ti laok nga iligal a droga dagitoy.
Nupay kasta, inpanamnamada nga aramidenda amin a kabaelanda tapno maamoan no siasinno ti nangibati daytoy ken kunana a malabalin a dagitoy ket naglabsing iti umno a pannaka-dispose ti produkto.
Maipalagip nga iti laeng kallabes ket immunan nga adda napidot dagiti uppat nga ubbing iti asideg ti kamposanto a naka-box ken ditoy a nilukatan ken inyawidda gaputa daytoy ket arig candy.
Rumrumuar nga immunan nga inpakanda daytoy a candies wenno candies kadagiti tarakenda ng aso ken apaman a makita da a nasaayaat ti kondision ti aso ket isu metten ti panagpanganda ken nakapasarda iti panagsakit ti boksit ken panagsarwa.
