Dandani naitayab ti maysa a bride-to-be iti Istanbul, Turkey kabayatan ti pannakasayangkat ti pre-wedding photoshoot nga iggem ti adu ken dadakkel a balloon, idinto a pimmigsa ti angin.
Ti babai ket madama ti posing-na iti asideg ti ‘iconic’ Bosphorus Strait a nakaiggem ti oversized beige balloons kas paset ti photoshoot esemble-na.
Nupay kasta, nangrugi a pimmigsa ti angin ken narigatan daytoy a mapagtalinaed ti balance-na. Idinto a naguyod daytoy iti asideg ti seawall.
Kabayatanna, insigida met a sinalaknib ti photographer ti bride-to-be ken nalapeddanna ti pannakaguyod ti babai iti maysa a pasdek.
Basar kadagiti report, natalged ti bride ken awan ti aniaman a sugat ti nasagaba.
