LAOAG CITY – Natay ti 7 nga indibidual kalpasan a dinungpar ti pampasahero a van ti tallo lugan iti Zamboanga del Sur.
Iti nasao nga insidente, malaksid kadagiti natay, addaan pay ti 13 a nasugatan.
Apaman ti napasamak nga insidente, lima kadagiti nakasakay iti van ti insigida a natay, bayat a maysa a biktima met a nakasakay iti motorsiklo ti natay.
Malaksid kadagitoy, natay pay ti pasaheros ti maysa a tricycle kalpasan a naitaray daytoy iti balay pagagasan.
Mainaig iti daytoy, inbatad ni Police Regional Office 9 spokesperson Police Major Shellamie Chang, a maipagarup naawanan ti preno ti van a rason ti panagderderetsona kadagiti lugan iti sangoananna.
