LAOAG CITY – Natay ti maysa a lalaki kalpasan iti pannakadisgrasiana iti Brgy. Bacsil iti ili ti Paoay.
Ti biktima ket agatawen ti 29, awanan asawa ken residente iti brgy. Bengcag ditoy suidad ti Laoag
Basar iti inisial nga imbestigasion dagiti kameng ti Philippine National Police iti ili ti Paoay, agturong nga agpaabagatan a direksion ti biktima ket bayat ti panagmanehona ket naawanan daytoy ti kontrol ti manibela a nangitunda ti pannakaidungpar ti motorsiklona iti poste ti kuryente iti nadakamat met laeng a lugar.
Gapu iti daytoy, nagsagaba daytoy ti sugat iti nagduduma a paset ti bagina kangrunaan iti paset iti ulona a rason ti pannakatayna. Mainaig iti daytoy, segun iti Philippine National Police iti ili ti Paoay a maipagarup adda iti impluensia ti nasanger ti nasao a biktima ken napaspas ti panagpatarayna.
