LAOAG CITY – Dumanon iti 17.54 milyon a Pilipino ti saanda a kabaelan a gumatang kadagiti basic commodities wenno dagiti kangrunaan a magatgatang, maibasar iti Philippine Statistics Authority (PSA).
Iti Family Income and Expenditure Survey (FIES), naduktalan ti Philippine Statistics Authority a ti poverty incidence iti tunggal indibidual ket bimmaba iti 15.5 percent wenno dumanon iti 17.54 a milyon a Pilipino idi 2023 manipud iti 18.1 percent wenno 19.99 a milyon a Pinoy idi 2021.
Basar iti Philippine Statistics Authority, daytoy ket dumanonen iti 10.9 percent wenno 3 a milyon a pamilia ti naarisit a marigrigat.
Adda ti 2.7 percent wenno 740,000 a pamilia ti “food poor” idi 2023 a mangipasimudaag a ti birok ket maisupadi ti pagbiaganda.
Nababbaba daytoy iti 1.04 a milyon a pamilia wenno dumanon iti 3.9 percent kas food poor idi 2021.
Basar iti naglabas nga SWS survey, dumanon iti 16.0 a milyon ti bilang ti Pinoy a nangibaga nga isuda ket marigrigat idi Hunio 2024 ken dumanon iti 12.9 a milyon idi Marso 2024.
