LAOAG CITY – Inpakammo dagiti gwardya a nakabantay iti Bureau of Jail Management and Penology (BJMP) dioy ciudad ti Laoag nga adda dagiti balod a nagsagaba ti sakit a tuko.
Segun iti maysa kadagiti gwardya a saanen a nagapabigbig, naiget ti panagmonitor dagiti nurse ti pagbalodan kadagiti pasyente.
Kunana nga umabot ti 17 a balod ti nagsagaba ti tuko ngem dagiti dadduma kadagitoy ket naimbag dan.
Inbatad na nga iti agdama ket adda ti 14 a balod ti nagtalinaed iti isolation room iti pagbaludan.
Innayon na a kumpleto dagiti agas dagiti pasyene ken makaanay da iti nasao a kwarto.
