LAOAG CITY – Pimmusay ti 18 nga indibidual kalpasan a nagswek ti nagluganan da nga eroplano kalpasan a nagtayab na manipod iti ciudad ti Kathmandu idiay Nepal.
Basar iti report, ti laeng kakaisuna a nakalasat iti insidente ket ti piloto nga iti agdama ket manarimaan a maag-agasan iti ospital.
Narescue ti piloto manipod iti maur-uram a wreckage ti eroplano.
Ti Saurya Airlines test flight ket addaan ti pasahero a 17 a company employees, pakairamanan ti technical staff, ken dua a crew.
Agturong koma ti eroplano iti Himalayan tourism hub ti Pokhara iti laud a paset ti Nepal idi napasamak ti nakaam-ames nga insidente.
Naamoan a ti aviation industry idiay Nepal ket addaan ti “poor safety record”.
Kabayatanna, kinumpirmaran ni Police spokesperson Dan Bahadur Karki a ti piloto ket nagsagaba ti sugat iti mata ken muging na, ngem addan iti natalged a kasasaad.
Temporaryo a napaserraan ti Kathmandu airport kalpasan ti napasamak, ngem nalukatan metlaeng kalpasan ti sumagmamano nga oras.
