LAOAG CITY – Umabot iti 2.9 a milyon a pisos ti tulong nga inpaay ti Provincial Government of Ilocos Norte wenno PGIN babaen iti Metro Ilocos Norte Council wenno MINC kadagiti kameng ti Jeepney Operators and Drivers Association wenno JODA ditoy probinsia.
Segun ti gobierno probinsial, siyam a gasut innem a pulo ket dua dagiti kameng ti Jeepney Operators and Drivers Association ti naipaayan ti tallo ribu a pisos iti tunggal maysa.
Inlawlawagda a paset daytoy iti kalikagum ti gobierno probinsial a mangalay-ay iti rigat a mapaspasaran dagiti maseknan a benepisiario gubuay iti kinangina ti presyo dagiti produkto a petrolyo.
Malaksid iti naited a tulong pinansial ket naikkan pay dagitoy ti Metro Ilocos Norte Council tents ken sumarsaruno ti maipaay a T-shirt kadagiti maseknan.
Gapu iti daytoy, bigbigbigen ti gobierno probinsial ti kinarigat ken kinaimportante ti trabaho dagitoy ken mamati da no awan dagiti jeepney drivers ket marigatan dagiti kaaddoan nga umli a sumrek kadagiti trabahoda.
Mainaig iti daytoy, inpadanon gobierno probinsial ti napalaus a panagyamanna kadagiti jeepney drivers gapu ta dakkel ti maitultulongda iti panagdur-as ti probinsia.
Kabayatanna, inpanamnama da nga agtultuloy ti ipaayda a suporta kadagitoy nangnangruna kadagiti mangiraprapin nga agtalon ken agtaraken ti dingwen.
