LAOAG CITY – Inpakaammo ni Mayor James Bryan Alcid a nabayag nan nga arapaap a makaestablisar iti agri-tourism ditoy ciudad ti Laoag.
Segun kenkuana, adda iti programa iti National Government kas kadagiti infrastructure a Farm to market, no sadinno a gapu iti daytoy naaddaan met iti ideya.
Inbatad na a gapu ta saan a tuloy-tuloy iti paglakoan dagiti mannalon gapu pay laeng iti seasonal a panagmula dagitoy ket napanunutan na iti “Farm to table”.
Inlawlawag na a daytoy ket naiyalokaran iti pundo ken addan iti maipatakder nga establishmento iti maysa a lote iti city government nga addaan iti agri-tourism.
Innayon na a daytoy nga agri- tourism ket pakasarakan to kadagiti nagduduma a produkto iti amin a barangay ditoy ciudad ken mabalin da payen a ditoy nga ipaluto gapu ta arigna na kasla DAMPA ti maaramid.
