LAOAG CITY – Balligi a naarestar dagiti maibilang a Most Wanted Person ditoy Ilocos Norte babaen ti Criminal Investigation and Detection Group.
Basar iti impormasion, ti umuna ket ti maibilang a Top 9 Most Wanted Person ditoy probinsia nga agtawen ti 39 ken residente iti ili ti San Nicolas no sadino natiliw babaen iti bileg ti warrant of arrest gapu iti panaglabsingna iti Section 11 ti Comprehensive Dangerous Drugs Act of 2002 ken adda ti 200 a ribu a pisos a nairekomendar a pagpiyansana.
Mainaig iti daytoy, ti nasao nga akusado ket naiwayatan ti search operation iti ili ti San Nicolas iti kallabes.
Malaksid iti daytoy, naarestar met ti agtawen ti 20 a lalaki ken residente iti ili ti Pasuquin babaen iti bileg ti warrant of arrest gapu iti panaglabsingna iti kaso a panangrames no sadino awan ti nairekomendar a pagpiyansana para iti temporario a pannakawayawayana.
Kabayatanna, iti agdama ket adda dagiti maseknan nga akusado iti istasyon ti Criminal Investigation and Detection Group.
