LAOAG CITY – Nakalibas ti dua a kalding iti maysa a transit station iti Portland, Oregon ken biit a naglugan ti maysa a bus sakbay timmaray dagitoy.
Basar iti Tri-County Metropolitan Transportation District of Oregon, nakaawatda ti tawag manipud iti 911 a nai-report kadakuada ti dua a nakalibas a kalding ti agwalang-walang iti FX2 bus station iti paset ti Southeast ti 162nd Avenue ken Sivision Street idiay Poland.
Nakita iti security camera footage iti station ti dua a kalding a naglugan nga apagbiit iti TriMet bus sakbay timmaray dagitoy ken nagwalang a nagturong iti asideg iti shopping center.
Kabayatanna, binirok dagiti pulis ti lugar ngem saanda nasarakan dagiti ayup.
