LAOAG CITY – Nakarekobre ti maysa a mannalon iti dua a bala para iti 40 milimeter pistol idiay Barangay 16, Sta. Santiago, Sarrat, Ilocos Norte.
Nabigbig daytoy a ni Jovito Balico, agtawen 37, maysa a mannalon ken residente met laeng iti nasao a barangay.
Segun ti report, bayat ti panangiwarwar ni Balico ti taraken na a nuang iti igid ti waig ket nakita na ti dua a bala iti kataltalunan a paset ti nadakamat a lugar.
Dagus a nagturong dagiti Explosive Ordnance Disposal (EOD) personnel ken PNP iti lugar apaman a naipakaammo kadakuada daytoy ni Balico.
Iti agdama, nagtalinaed iti kustodyar dagiti otoridad dagiti nasao a bala.
