LAOAG CITY – Natiliw dagiti dua a lallaki kalpasan a naaktwan dagiti kameng ti Philippine National Police (PNP) a nagputol ti kayo ti narra idiay Pinili, Ilocos Norte.
Binigbig ni Police Chief Inspector Gerardo Mabini, chief of police iti ili ti Pinili dagiti natiliw nga isuda Arthur Calaycay, 44 ken ni Danilo Baybano, 54, agpada a residente ti Barangay Sacritan ti nasao nga ili.
Inlawlawag ni Mabini a kalpasan a nakaawat ti report nga adda ti agpukpukan ti kayo ti narra ti nasao a lugar ket dagus da a nagresponde.
Inbatad ni Mabini a nakita da dagiti napukan a kayo ti narra ken inadmitir a dagus dagiti suspek nga isuda ti akin-aramid iti daytoy.
Gapu iti daytoy, sumango dagiti dua ti panaglabsing ti Section 77 ti Presidential Decree 705 wenno illegal logging ken Republic Act 975 wenno Chainsaw Act.
