LAOAG CITY – Inpakaammo ni Mrs. Mary Jane Leaño, Officer In Charge ti City Tourism Office a maisayangkat ti Fluvial Parade ni San Guillermo iti Barangay Gabu agingga iti Barangay La Paz ditoy siudad ti Laoag inton bigat, Pebrero 28 kas maudi a paset iti panangselebrar ti Pamulinawen Festival.
Segun kenkuana, manipud iti simbaan ket maikabil ni San Guillermo iti Barangay Gabu no sadinno nga adda ti maiyuswat a misa a ditoy a mabendisionan pakairaman ti dua pay a Santo.
Inbatadna a kalpasan iti daytoy ket mailugan ni San Guillermo ken ti dua pay a Santo iti bangka nga agturong iti Barangay La Paz.
Kunana a nakaluganto met ti bangka dagiti makipaset iti nasao a programa.
