LAOAG CITY – Mainayon ti sumagmamano nga sports kas ti swimming, taekwondo ken dadduma pay iti programa ti lokal a gobierno ditoy siudad ti Laoag a Just Be Active.
Nupay kasta, inlawlawag ni Mrs. Mary Jane Leaño, mangidadaulo ti City Tourism Office ditoy siudad ti Laoag a maipadalan iti pannakaadal a naimbag daytoy a banag tapno mairaman iti nasao a programa ken ad-adu pay ti maakomarda.
Inbatadna a malaksid kadagiti sports ket napintas a mainayon pay dagiti academics kas ti summer class para iti math, journalism, science ken dadduma pay.
Nagyaman ni Leaño iti suporta nga ipapaay ni Mayor James Bryan Alcid kadagiti programa nga ar-aramidenda kas iti balligi a pannakaiyimplementar ti Just Be Active program.
