Nakapasar ti aberya ti rinibo nga users ti Microsoft ita nga aldaw ti Biyernes, Nobyembre 13, kalpasan a naireport ti maysa a nalawa nga outage ti serbisyo na iti sumagmamano a software.
Basar iti maysa a third-party detector a Downdetector, immuna a nairekord ti agarop 130,000 users a naapektaran ti nasao nga outage, partikular iti Microsoft Outlook, it oras ti alas-2 ti parbangon, ngem bimmaba met laeng daytoy iti 50,000 apaman a nadanun ti oras ti alas- 5:30 itay agsapa.
Nakapasar met ti system outage ti sumagmamano pay a softwares na kas ti Microsoft Teams ken ti AI assistant ti Microsoft a Copilot.
Iti report ti kumpanya, t maitudtudo a rason ket ti connectivity issues ti “elevated load” kadagiti imprastraktura na a nakabase iti nagduduma a rehiyon.
Karaman kadagiti naapektaran ket ti sumagmamano nga users iti Southeast Asia kas dagiti sumagmamano nga IT professionals ken BPO employees iti pagilian.
