LAOAG CITY – Naragsak nga inburay da basketball star a ni Kai Sotto ken ti asawanan a ni Rere Madrid a maaddaandan ti umuna nga anakda.
Iti maysa a social media post, inpakaammo ti agasawa ti napintas a damag iti babaen ti maysa a video a naglaon kadagiti espesial a kanito kaduada dagiti pamiliada pakairamanan ti ultrasound ti agbalin nga anakda.
Insigida a nangipadanon ti rinibribu a panangkablaaw manipud kadagiti netizen ken dagiti personalidad iti showbiz ken sports ti nasao nga anunsio.
Karamanan kadagiti nangipadanon ti panagkablaaw ti kabsat ni Rere a ni Ruru Madrid.
Maipalagip nga idi Mayo 27 ket nakigtot ti kaadoan ti panangirakurak da Kai ken Rere iti panagkallaysada.
Immuna iti daytoy, opisial nga inpakaammoda iti publiko ti relasion dagitoy idi Hulio 2024 idi nagkaduada a nagatendar iti maysa a gala.
