LAOAG CITY – Inpakaamo ni Mrs. Mary Jane Leaño, mangidadaulo ti City Tourism Office ditoy siudad ti Laoag a mangipaay ti City Civil Registrar’s Office ti libre a birth certificate para kadagiti nursery ken grade one.
Kunana nga agingga inton Mayo 29 ti libre a panangalada daytoy.
Segun ken ni Leaño dakkel a tulong daytoy para kadagiti ubbing a sumrek ti pagadalan.
Innayonna nga agtultuloy ti panangkita iti local a gobierno ti pagayaatan iti tunggal umili ditoy siudad.
