LAOAG CITY – Agtultuloy iti imbestigasyon ti Philippine National Police (PNP) mainaig ti napasamak a panagtatakaw iti dua nga apartment iti San Nicolas, Ilocos Norte.
Daytoy ti inbatad ni Police Chief Inspector Paul Benedict Parado, ti chief of police iti ili a San Nicolas.
Segun ken ni Parado, possible a maymaysa ti akin-aramid iti pannakaserrek ti apartment iti Barangay 22 ken Barangay 5 iti nasao nga ili.
Inlawlawag na a basar iti panagdamdamag da kadagiti sumagmamano nga indibidual kadagiti nasao a lugar ket agpapada da iti diskripsyon iti suspek.
Inpakaammo ni Parado a karaman kadagiti naitaray ti suspek ket dagiti agkakabalor a gadgets dagiti agnaed kadagiti nasao nga apartment.
Innayon na a mapatta-patta nga umabot iti 360 a ribo a pisos ti balor amin dagiti naitaray ti mannanakaw manipod kadagiti dua nga apartment iti ili a San Nicolas.
