LAOAG CITY – Dua nga indibidual ti natay kalpasan a nagtupak ti maysa a construction crane iti maysa nga highway iti Samut Sakhon, suburb ti Bangkok, maysa nga aldaw laeng kalpasan a maysa pay nga aksidente ti crane iti amianan a daya ti Thailand a nakatayan ti 32 a tattao.
Makita kadagiti video a naala iti lugar ti aksidente a nagtupak ti crane iti highway, a nakapandagan ti sumagmamano a lugan ken naiwarwara dagiti debris iti aglawlaw.
Naamoan a dagiti karaman a crane ket agpada nga iwanwanwan ti Italian-Thai Development, maysa kadagiti kadakkelan a construction companies iti Thailand.
Basar iti report, iti napalabas a pito a tawen ket mapatta-patta nga addan ti 150 nga indibidual ti natay iti aksidente maysa a road improvement project manipod Bangkok agingga iti lauden ti lugar.
Immunan nga inpetteng ni Thailand Prime Minister Anutin Charnvirakul a mapasamak laeng ti kastoy nga insidente gapu iti panagliway, saan a sinurot a naimbag dagiti proseso ken disenyo, wenno saan nga usto dagiti inusar a materyales.
