LAOAG CITY – Nagiwaras ti Mexico ti rinibo a soldado tapno maipasigurado ti seguridad kalpasan a rimsua dagiti kinadamsak iti kadakkelan a paset ti pagilian.
Namonganay dagiti kinadamsak kalpasan ti pannakapapatay ti maibilang a “most wanted drug Lord” a ni Nemesio Oseguera Cervantes wenno ad-adda a mabigbig iti naganna nga “El Mencho”.
Segun ken ni Defence Secretary Ricardo Trevilla, umabot iti 2,500 a soldado ti nainayun a naiwaras iti nagduduma a paset ti Mexico no sadinno nga iti agdama ket addan ti pakabuklan a 9,500 dagiti tropa ti pagilian ti naiwaras sipud pay idi domingo, Pebrero 22 ita a tawen.
Adda ti agarop a 20 nga estado ti pakaiwaywayatan dagiti kinadamsak idiay Mexico.
Ti Jalisco New Generation Cartel (CJNG) ket maysa kadagiti pagam-amkan a criminal organization idiay Mexico.
