LAOAG CITY – Dua nga inhinyero idiay United Kingdom ti nakagun-od ti world record kalpasan a nakabukelda ti kadakkelan nga electric toothbrush iti intero a lubong.
Kinumpirmaran ti records keeping organization a Guinness World Records a dagiti engineer ken YouTubers nga isuda Ruth Amos ken Shawn Brown ti baro a world record holder ti titulo a “The Largest Toothbrush Ever Built.”
Daytoy ket kalpasan a nakaaramid ti maysa a fully functioning electric toothbrush nga adda ti kadakkelna nga innem a kadapan ken pito a pulgada.
Inbatad da Amos ken Brown, dimmanonda ti lima nga aldaw iti panangaramid ti higante a toothbrush.
Naammoan a gapu ta awan met ti dakkel a ngipen a masipilyo, us-usarenda ti imbension kas gardening tool ken pangdalos iti datar.
