LAOAG CITY – Kinumpirmaran dagiti sumagmamano nga estudyante iti maysa a pribado a pagadalan ditoy ciudad ti Laoag a 20 a pisos latta ti plete ti tunggal maysa.
Segun kadagitoy, iti laksid nga tallo wenno uppat da nga aglugan ken rumrumuar a saan unay nga adayo ti papanan da ket 20 a pisos latta ti plete da.
Inbatad dagitoy nga awan met ti ited a supli dagiti tricycle drivers no 20 a pisos ti ited da.
Mainaig iti daytoy, inbatad met ti tricycle driver a nakasarsarita ti Bombo Radyo Laoag a no 20 a pisos ti ited ti pasaheros da nga estudyante ket alaen da ken awaten da latta uray 15 a pisos.
Kabayatanna, inbatad ni dati a Sang. Panlungsod Member Edison Bonoan ken dati a Chairman ti Committee on Transportation ditoy ciudad ti Laoag a ti 20 a pisos a plete ket naipasa babaen iti maysa a resolusyon gapo iti pandemya.
Nupay kasta, inlawlawag ni Bonoan a nailanad iti resolusyon nga adda ti 20 a porsiento a diskwento kadagiti senior citizen ken estudyante.
