LAOAG CITY – Umabot iti 20 a tattao ti natay kalpasan a nauram ti maysa a nursing home iti north-east China.
Basar iti report, ti uram ket napasamak iti Chengde City iti probinsya ti Hebei province ken nagpaot daytoy iti agarop dua nga oras sakbay a naan-anay a nasebseban ti apoy.
Inpakaammo dagiti otoridad nga adda met ti 19 a tattao a nakalasat iti insidente.
Iti agdama ket agtultuloy ti imbestigasyon dagiti otoridad no ania ti namonganayan ti uram.
